എന്‍റെ ദൈവം സ്വർഗ്ഗ സിംഹാസനം
തന്നിലെന്നിൽ കനിഞ്ഞെന്നെ ഓർത്തിടുന്നു
അപ്പനും അമ്മയും വീടും ധനങ്ങളും
വസ്തു സുഖങ്ങളും കർത്താവത്രെ
പൈതൽ പ്രായം മുതൽക്കിന്നേവരെയെന്നെ
പോറ്റി പുലർത്തിയ ദൈവം മതി
ആരും സഹായമില്ലെല്ലാവരും പാരിൽ
കണ്ടും കാണാതെയും പോകുന്നവർ
എന്നാലെനിക്കൊരു സഹായകൻ വാനിൽ
ഉണ്ടെന്നറിഞ്ഞതിലുല്ലാസമെ
പിതാവില്ലാത്തോർക്കവൻ നല്ലൊരു താതനും
പെറ്റമ്മയെ കവിഞ്ഞാർദ്രവാനും
വിധവയ്ക്കു കാന്തനും സാധുവിന്നപ്പവും
എല്ലാർക്കുമെല്ലാമെൻ കർത്തവത്രേ
കരയുന്ന കാക്കയ്ക്കും വയലിലെ റോസയ്ക്കും
ഭക്ഷ്യവും ഭംഗിയും നൽകുന്നവൻ
കാട്ടിലെ മൃഗങ്ങളാറ്റിലെ മത്സ്യങ്ങ-
ളെല്ലാം സർവ്വേശനെ നോക്കിടുന്നു
കോടാകോടി ഗോളമെല്ലാം പടച്ചവ-
നെല്ലാറ്റിനും വേണ്ടതെല്ലാം നൽകി
സൃഷ്ടികൾക്കൊക്കെയുമാനന്ദ കാരണൻ
ദുഷ്ടന്മാർക്കേറ്റവും ഭീതികരൻ
കല്യാണശാലയിലെന്നെ വിളിച്ചവന്‍റെ
സന്താപമൊക്കെയും തീർത്തിടും നാൾ
ശീഘ്രം വരുന്നെന്‍റെ കാന്തൻ വരുന്നെന്നി-
ലുല്ലാസമായ് ബഹുകാലം വാഴാൻ
ലോകം വെടിഞ്ഞെന്‍റെ സ്വർഗ്ഗീയനാടിനെ
കാണ്മാൻ കൊതിച്ചു ഞാൻ പാർത്തിടുന്നു
അന്യൻ പരദേശിയെന്നെന്‍റെ മേലെഴു-
ത്തെന്നാൽ സർവ്വസ്വവും എന്‍റെതത്രേ
Ente daivam swargga simhaasanam
Thannilennil kaninjenne orthidunnu
Appanum ammayum veedum dhanangalum
Vasthu sukhangalum karthaavathre
Paithal praayam muthalkkinneverayenne
Potti pularthiya daivam mathi
Aarum sahaayamillellaavarum paaril
Kandum kaanaatheyum pokkunnavar
Ennaalenikkoru sahaayakan vaanil
Undennarinjathil ullaasame
Pithaavillaaththaorkkavan nalloru thaathanum
Pettammaye kavinjaardhravaanum
Vidhavaykku kaanthanum saadhuvinnappavum
Ellaarkkumellaamen karthaavathre
Karayunna kaakkaykkum vayalile roosaykkum
Bhakshyavum bhangiyum nalkunnavan
Kaattile mrugangalaattile matsyangalum
Ellaam sarvveshane nokkidunnu
Kodaakodi golamellaam padachchavan
Ellaathinum vendathellaam nalki
Srishtikalkkokkeyuma ananda kaaranan
Dushtanmaarkkettavum bheethikaran
Kalyaanashaayalayil enne vilichchavante
Santhaapamokkayum theerthidum naal
Sheeghram varunnente kaanthan varunnennil
Ullaasamaay bahukaalam vaazhaan
Lokam vedinjen swarggeeya naadine
Kaanmaan kothichchu njan paarthidunnu
Anyan paradheesiyennente melezhuththu
Ennaal sarvvaswavum enteththre